Los Reis Magos...
Taba cayendo una xelada de las de cimblar, de las que faian paecer que Siberia tuviera en pleno branu comparáu con aquello. Los tres camellos malpenes avanzaben un miseru pasu per aquel desiertu y esberreyaben de cutu, como camentando na nueche que-yos asperaba...-"Cagonmimachu, espabila camellu de Dios..."- la voz de Melchor rompió la marcha callandina - "...a esti pasu nun llegamos ni pa les uves del añu que vien..."
-"Dexa'l probe animal, nin, nun lo enfotes que llueu ye peor...si nun te encabritaras tanto, nun dibas tener eses canes que tienes. Mira yo, que melouta gasto, sin un res de blancu"- solmeno-y Gaspar ensin pensalo porque venia medio amormielláu y aquello cafiaralo abondo...
-"Oye, ho...y el mio camellu por qué tien qué cargar con tolos paquetes, col oru, col inciensu, cola mirra y colos costales de carbón...amen de col mio pesu corporal de 5 quilmas, ¿quereis faer el favor d´explicamelo?"- entrugó-yos el probe Baltasar...
-"Si nun te punsieras moráu'l día Nuechebona a mazapanes, nun-y pasaba res al camellu, poro claro, como esi día'l que trabaya ye'l otro gordu de coloráu, ala, a llapar como un gochín..."- espeto-y too encendíu Aliatar
-"Faló'l otro, que magar delegó en Correos pal tema les cartes, ta más folgáu que'l de la ofecina'l paru. Lo únicu que tien que faer ye garrar los neños ya anexálos un migayu nes rodielles, taras baldáu, cagonmimáquina..."- volvió retruca-y Melchor...-"nun creo que a delguno de vosotros, un mocosu vos metiera la medrana en cuerpu al solprendevos en mediu la sala deixando-y'l paquete y entamara a berrar a glayíes que hai un vieyu robando-y los regalos...."
Y asina, ente dimes y diretes, rumió yo pa mi que pasan la nueche los Reis Magos y que'l restu'l añu tan de morros...
Esbilla
del.icio.us
Un amante de la llingua, del arte fecho con lletres, de contar el mundu coles pallabres...