El Coríu Repunante

De sópitu, la pantalla’l móvil, rellumó con aquel tris intermitente y el ruxir típicu que yera comparable al rencíu d’una abeya en pleno branu. Garrolo d’enriba la mesa y carpió enantes de lleer el nome que-y apaecía na pantalla. Ella. Volvió carpir, como esperando qu’alguien apaeciera y arrespondiera por él y lo llibrara daquella situación comprometía. Espero dos ruxíos más y escolgó:

-“A ver…¿agora qué quies Lucinda?, tienesme aburríu joer….-

-“Milín, escuchame por Dios, nun me cuelgues, tienes que oyime polo que más quieras…”-

-“Mira Lucinda, ya te lo dixi ayeri, nun voi tornar a lo mesmo, acabose y puntu.”-

-“Non ho, tate tranquilu, llamote pa dicite que to ma, punsoxe mala, polo otro nun t’esmolezcas más, alcontré un nigerianu d’estos de los cedés que fae maravilles, taba tomando unes sidres pa escaecete y apaeció él, ye un guaje bien afayaizu, llamase Abbu, pero llamenlo’l trípode, entovía nun sé si porque vende cámares fotográfiques o polo que ye….”-

-“Cagonmimantu Lucinda, con esto de l’aldea global, los paisanos d’enantes vamos quedar en ná. Que si agora mercote un cedé, que si pruebote un cinto, que si faigote un fio p’arreglar los papeles…nun me seas babayona que namás te quier pa eso, digotelo yo…”-

-“Que sabras tú….ai, pobretayo….”

-“Que si ho, lieme yo ahí p’atrás con una rumana que fixome milenta y una postures d’un llibru que tenía embaxo la cama y que nun-y daba más salir a la cai en chándal a faer la compra nin tampoco qu’el vecín la viera en bragues pola ventana, yera la ostia…”.-

-“Home Milín, ¿qué me tas contando?¿qué me camudaste por una rumana ho? Nun me paez nin mediu lóxicu, ¿ú ta el troníu español entós?...”-

-“Anda, tamos apaecíos, tú un nigerianu y yo una rumana, ye que les ganes son abondo malas, ¿nun te paez Lucindina del alma?”-

-“Ties tola razón Milinín, nun te falta nin un migayu….esto qué t’iba dicir yo….entós….¿quedamos como amigos ho?...”-

-“Claru Lucindina, claru que si….la semana que vien faemos un cuartetu y tan amigos toos, como non….”

Aborrez faélo, pero lluéu presta'l picadillu y l'adobu que nun veas...

"Dabai l'aire en tol pescuezu...como acuantayá-y diera naquellos llargos paseos pela playa abrazáu a la so cintura..!Abondo cenciello yera todo entós¡...Entá, delles vegaes, sintía la so presencia a la so vera, como queriendo dici-y daqué al oídu y enxamás yera pa oyilo, despertaba too apavoriáu y aquello dexábalo abondo atristayáu...

Llevantó los güeyos de los sos pías y y vió la ciudá dende l'azotea, asoleyada, con un tris de tristura al riscar, apretó la semeya de la so difunta muyer escontra el pechu murniu y esnaló como una golondría al alcuentru del bris de la ciudá...."

Hai delles vegaes que por más que lu camiento, nun soi quien a pescancia 'l significáu de la pallabra xusticia. Nesta sociedad que nos tocó vivir, munches vegaes pue ún ser pa güeyar cualesquier escándalu pela cai y pasa'l coche patrulla y nin parar siquiera mentanto el pacón de turnu-y abre la tiesta a otru y otres, como por exemplo, en Sevilla, faer un escarniu de la pallabra xusticia. El casu ye que yo nun veo bien que la xente se dedique a, como lu llamen ellos, okupar les cases de otra xente, anque esta xente nun pare por elles. Pero el casu que tamos tratando equí, ye bien estremáu. Estos okupas, dediquense dende fai 5 años a llabor social nel barriu de les Cases Vieyes, usando pa ello'l solarucu mentao enantes y entamando actividaes culturales y d'ociu, cosiquina qu' a les autoridaes y al abogadón de turnu, sentaron-yos como un fesoriazo nos tolanos. Entós y estremando diferencies, ye bien asemeyáu al casu la nosa llingua, ye una cosa cultural, que muncha xente n' Asturies velo bono y abondo granible pero les autoridaes, toas gayoleres, faenla enterrase embaxo tierra pa amenorga'l ruidu que puean meter...lo que nun cuentan, ye que la llingua, sientese por dientro, non por fuera...

Voi aniciar esti blog con un relatu breve fecho nel cursu d'asturianu básicu que toi faciendo en Grau y correxío pol "profe" Xosé Lluis Rodríguez Alberdi, que tenía déllos fallos. Espero que vos preste y ya diré poniendo más cosiquines...

"Guapu, perguapu ye esti neñu, quiérolu yo más...", y la güela nun paraba da-y chuchos; dába-y lo mesmo que llegara pa la mesa coles manes puerques y llenes de llamuerga. Y tando en casa, entá nun-y daba más, pero pela cai y cola xente mirando, poniase tou coloráu cuando güela se-y arimaba y baxaba les escaleres toa alloriada pa achuchalu y ximielgalu pa un llau y otru ensin parar.

"Güel bien el pote, güe", díxo-y pa ver si dexaba d'espelurcialu d'una vegada, al par que-y metia déllos emburrioninos pa escapar d'aquel abrazu del demoniu, pero nada, yera igual que'l d'un osu, que cuando güeyaba algo que-y prestaba, nun lo soltaba nin alloriáu. "Ai, fíu, préstame tanto que te güela bono'l pote que te fai to güela, meyor sabrá...", y vuelta otra vegada a ximielgalu, nun había manera. "¡Cagunmimantu, güela, como sigas nesti plan, nun vuelvo más comer, ho...!", y ye que con 30 años, hai delles coses que yá nun son lo mesmo...